ફરાહ ખાને બતાવી Karan Joharના વોર્ડરોબની ઝલક, કપડા અને જૂતાનો ખજાનો જોઈને માથું ચકરાઈ જશે
ફિલ્મમેકર કરણ જોહરનો આજે 50મો જન્મદિવસ છે. કરણ જોહરે પોતાના ઘરે મોટી પાર્ટીનું આયોજન કર્યુ હતું. આ દરમિયાન તેની મિત્ર ફરાહ ખાને એક વીડિયો શેર કર્યો છે. વીડિયોમાં જોઈ શકાય છે કે કરણ જોહર પોતાના વોર્ડરોબમાં ઉભો છે. અહીં મોટી સંખ્યામાં જૂતા અને કપડા જોવા મળી રહ્યા છે. કરણ જોહર આમ પણ બ્રાન્ડેડ કપડાનો શોખીન છે.
ફિલ્મમેકર કરણ જોહર(Karan Johar) આજે પોતાનો 50મો જન્મદિવસ સેલિબ્રેટ કરી રહ્યો છે. 25મી મેના રોજ કરણ જોહર ધૂમધામથી પોતાના જન્મદિવસની ઉજવણી કરે છે. આ વખતે પણ તેના જન્મદિવસના સેલિબ્રેશનમાં સ્ટાર્સનો મેળાવડો થયો હતો. ગૌરી ખાન, ફરાહ ખાન, મહીપ કપૂર, સીમા સચદેવ વગેરે અનેક મહેમાનો તેના ઘરે પહોંચ્યા હતા. પાર્ટીની અંદરની કોઈ જાણકારી તો સામે નથી આવી, પરંતુ એક વીડિયો ચોક્કસપણે વાયરલ થઈ રહ્યો છે, જે ફરાહ ખાન કુંદરે શેર કર્યો. ફરાહ ખાને પોતાના ઈન્સ્ટાગ્રામ અકાઉન્ટ પર કરણ જોહરના ક્લોઝેટનો એક વીડિયો શેર કર્યો છે.
આ વાતથી કોઈ અજાણ નથી કે કરણ જોહર મોંઘી બ્રાન્ડના અને સ્ટાઈલિશ કપડા પહેરે છે. જ્યારે કરણ જોહર હુનરબાઝ…દેશ કી શાન રિયાલિટી શૉ જજ કરી રહ્યો હતો, તે સમયે પણ એવા ડિઝાઈનરના નામ લેતો હતો, જે સમજવામાં પણ અને બોલવામાં પણ મુશ્કેલ હતા. ફરાહ ખાને પણ આ વીડિયોમાં એને પૂછ્યું છે કે આજે તેણે જન્મદિવસની પાર્ટીમાં કયા ડિઝાઈનરના કપડા પહેર્યા છે. કરણે જે પોતાના સ્ટાઈલિશનું નામ કહ્યું તે ફરાહ ખાન પણ નહોતી સમજી શકી.
કરણના વોર્ડરોબનો વીડિયો શેર કરીને ફરાહ ખાને લખ્યું કે, કરણ જોહર 50મા જન્મદિવસની શુભકામનાઓ. મારા સૌથી ફની, એક્ટિવ અને ઈન્ટેલિજન્ટ મિત્ર. આ વીડિયોમાં અનેક વાર Ohh My God કહેવા માટે માફી માંગુ છું. વીડિયોમાં ફરાહ પોતાના મોબાઈલથી કરણ જોહરના વોર્ડરોબનો વીડિયો શૂટ કરે છે. અહીં કદાચ સેંકડોની સંખ્યામાં જાતજાતના અને રંગબેરંગી જૂતા પડ્યા હતા. આ સિવાય અનેક હૂડી, જેકેટ્સ, ટી-શર્ટ્સ અને શર્ટ્સ પણ જોવા મળ્યા હતા. એક મોટો ઓરડો કપડા અને જૂતાથી ભરાયેલો હતો. આ જોઈને ફરાહ ખાન તો ચોંકી જ ગઈ છે, સાથે સાથે ફેન્સનું પણ માથું ચકરાઈ ગયું છે.
એક યુઝરે તો આ વીડિયોના કમેન્ટ સેક્શનમાં લખ્યું કે, ધર્મા શોપિંગ સેન્ટર. એક વ્યક્તિએ લખ્યું કે, ઘરમાં મૉલ હોય તેમ લાગી રહ્યું છે. પહેલા એવી જાણકારી સામે આવી હતી કે કરણ જોહર YRFના સ્ટુડિયોમાં જ પાર્ટી હોસ્ટ કરશે, જેની થીમ બ્લેક હશે. ધર્મા પ્રોડક્શન સાથે કામ કરનાર તમામ ડિરેક્ટર્સ આ પાર્ટીમાં સામેલ થવાની પણ જાણકારી મળી હતી.