Dumper caught fire – લીંબડી-બગોદરા હાઇવે પર ખનીજ ભરેલા ડમ્પરમાં અચાનક આગ લાગતાં દોડધામ મચી
સુરેન્દ્રનગર જિલ્લાના લીંબડી-બગોદરા હાઇવે પર ખનીજ ભરેલા ડમ્પરમાં અચાનક આગ લાગતાં દોડધામ મચી જવા પામી હતી. જેમાં કટારીયા ચેક પોસ્ટની નજીકમાં અચાનક ખનીજ ભરેલા ડમ્પરમાં આગ લાગતા અફડાતફડી મચી જવા પામી હતી. આ ઘટનાના પગલે લોકોના ટોળેટોળા ઘટના સ્થળે એકઠા થયા હતા.
આ ગોઝારી ઘટનામાં સદનસીબે કોઈ જાનહાનિનો બનાવ નહી બનતા મોટી દુર્ઘટના ટળી હતી. આ ઘટના અંગે આસપાસના લોકો અને વાહનચાલકોએ પોલીસ તેમજ ફાયર ફાયટર ટીમને જાણ કરવામાં આવી હતી. અને ભારે પાણીનો મારો ચલાવવા છતાં હજી સુધી આગ કાબુમાં આવી નહોતી.