અન્ય સ્ટાર કિડ્સથી અલગ છે અક્ષય કુમારનો દીકરો, બાળપણમાં મળી હતી આ શિખામણ
એક તરફ ડ્રગ્સ કેસમાં નામ આવ્યા બાદ શાહરુખ ખાનનો દીકરો આર્યન ખાન ચર્ચામાં છે. બીજી તરફ ટ્વિન્કલ ખન્નાની તેના દીકરા સાથેની તસવીર વાયરલ થઈ રહી છે.
- બાળપણમાં દીકરા આરવને ટ્વિન્કલ ખન્નાએ આપી હતી સોનેરી શિખામણ
- અક્ષય કુમાર અને ટ્વિન્કલ ખન્ના તેમના બંને બાળકો સાથે ક્લોઝ બોન્ડિંગ ધરાવે છે
- માતા-પિતા કરતાં પણ આરવ અને નિતારાના સારા મિત્રો છે અક્ષય કુમાર-ટ્વિન્કલ ખન્ના
શાહરુખ ખાનનો દીકરો આર્યન ખાન હાલ ડ્રગ્સ કેસના કારણે ચર્ચામાં છે. સોશિયલ મીડિયા પર આ અંગે લોકો પ્રતિક્રિયા આપી રહ્યા છે. તેમાંથી કેટલાક સ્ટાર્સની કમાણી અને તેના કારણે બાળકોને મળતી સગવડ વિશે પણ વાત કરતા જોવા મળી રહ્યા છે. બીજી તરફ ટ્વિન્કલ ખન્ના અને તેના દીકરા આરવની સુંદર તસવીર વાયરલ થઈ રહી છે, જે લોકોને પસંદ આવી રહી છે.
ટ્વિન્કલ ખન્નાએ એક ઈન્ટરવ્યૂમાં જણાવ્યું હતું કે, તેના દીકરાએ એકવાર તેને સવાલ કર્યો હતો કે, તેની પાસે જે સુવિધા છે, તે અન્ય પાસે કેમ નથી? તેના પર એક્ટ્રેસે જે જવાબ આપ્યો હતો તે બાળકો જ નહીં પરંતુ વડીલો માટે પણ શીખ છે. તેણે કહ્યું હતું કે, ‘જ્યારે તમે સિલ્વર સ્પૂન સાથે સાથે જન્મો છો, ત્યારે તે તમારી જવાબદારી હોય છે કે તમે તેનો ઉપયોગ કરો. બની શકે કે તમારી પાસે ચાંદી નહીં પરંતુ પ્લાસ્ટિકની ચમચી હોય, પરંતુ તમારી પાસે કોઈ પણ સ્પૂન હોય તેનો ઉપયોગ કરો અને તેને મદદ કરો જેની પાસે આ પ્રકારની સુવિધા નથી’.
એક્ટ્રેસે તેમ પણ જણાવ્યું હતું કે, આ વાત સાંભળ્યા બાદ આરવમાં તેણે પરિવર્તન આવતા જોયુ હતુ અને તેને અહેસાસ થયો હતો કે, તેની પાસે જે સુવિધા છે, તેને અન્ય કોઈની મદદ માટે ઉપયોગ કરી શકાય છે.
અમીર પરિવારમાંથી આવતા અથવા સારી કમાણી કરતા લોકો ઘણીવાર આ બાબત ભૂલી જાય છે કે તેમની પાસે જે છે, તે અન્ય માટે સપનું છે. પોકાની સમૃદ્ધિનો ખોટી રીતે ઉપયોગ કરવાના બદલે અન્યની મદદ માટે ઉપયોગ કરવાની ટ્વિન્કલની વાત તમામે પોતાના જીવનમાં ઉતારવા જેવી છે.
ડાઉન ટુ અર્થ રહેવું:
અક્ષય કુમાર પાસે અઢળક સંપત્તિ છે અને ટ્વિન્કલ ખન્ના પણ અમીર પરિવારમાંથી આવે છે. જો કે, બાળકોને તેઓ ડાઉન ટુ અર્થ રહેવાની સલાહ આપે છે. અક્ષય અને આરવ ઘણીવાર સાથે મળીને જમવાનું બનાવે છે. એકવાર અક્ષયે જણાવ્યું હતું કે, આરવને તેના પિતા કોણ છે તે જણાવવાનું પસંદ નથી.
માતા-પિતા સાથેની નિકટતાથી પડે છે ફરક:
અક્ષય કુમાર અને ટ્વિન્કલ ખન્ના બાળકો સાથે ક્લોઝ બોન્ડિંગ ધરાવે છે. વ્યસ્ત રહેવા છતાં તેઓ બાળકો માટે સમય કાઢી લે છે. એક સ્ટડીમાં પણ આ વાતનો ઉલ્લેખ કરવામા આવ્યો હતો કે પેરેન્ટ્સ સાથેનું મજબૂત બોન્ડ બાળકોને ખોટા રસ્તે જતા રોકે છે.
એકબીજા પાસેથી શીખવું:
ટ્વિન્કલ ખન્ના અને અક્ષય કુમાર સારા માતા-પિતા હોવાની સાથે-સાથે તેમના બાળકોના મિત્રો પણ છે. તેઓ બાળકોને શીખવે છે અને તેમની પાસેથી શીખે પણ છે. એકવાર મુંબઈ મિરરને આપેલા ઈન્ટરવ્યૂમાં અક્ષય કુમારે જણાવ્યુ હતું કે, કેવી રીતે આરવ તેને વિજ્ઞાન સાથે જોડાયેલી બાબતો સમજાવે છે. આ રીતે ઓપન કોમ્યુનિકેશનના કારણે બાળકો પોતાના માતા-પિતાને દિલની વાત આરામથી કરી શકે છે અને માતા-પિતા પણ તે ખાતરી કરી શકે છે કે તેઓ યોગ્ય રસ્તા પર જઈ રહ્યા છે કે નહીં
વડોદરામાં ફરી પાછો આવ્યો મ્યુકોરમાઇકોસિસ! છેલ્લા 36 કલાકમાં વધુ બે કેસ નોંધાતા તંત્ર ચિંતાતૂર