વાઇરલ વીડિયો: ટીવી એક્ટ્રેસ તેજસ્વી પ્રકાશે નેશનલ ટીવી પર BFને પ્રપોઝ કર્યું, કરન કુંદ્રાએ કિસ કરી
ટીવી સિરિયલ ‘નાગિન’ ફૅમ તેજસ્વી પ્રકાશ હાલમાં જ રિયાલિટી શો ‘ડાન્સ દિવાને જુનિયર’માં જોવા મળી હતી. આ સમયે તેજસ્વીએ કરનને ઘૂંટણીયે બેસીને ગુલાબ સાથે પ્રપોઝ કર્યું હતું.
- કરન તથા તેજસ્વીને ‘બિગ બોસ’ના ઘરમાં એકબીજા પ્રત્યે પ્રેમ થયો હતો
ટીવી સિરિયલ ‘નાગિન’ ફૅમ તેજસ્વી પ્રકાશ હાલમાં જ રિયાલિટી શો ‘ડાન્સ દિવાને જુનિયર’માં જોવા મળી હતી. આ સમયે તેજસ્વીએ કરનને ઘૂંટણીયે બેસીને ગુલાબ સાથે પ્રપોઝ કર્યું હતું.
રોમેન્ટિક ગીત સાથે એન્ટ્રી:
‘એમ એસ ધોનીઃ ધ અનટોલ્ડ સ્ટોરી’ના ગીત ‘તુ આતા હૈ સીને મેં, જબ જબ સાંસે ભરતી હૂં…’ સાથે તેજસ્વીની સ્ટેજ પર એન્ટ્રી થાય છે. તેજસ્વીને જોતાં જ કરનના ચહેરા પર લાલીમા છવાઈ જાય છે.
ગુલાબના ફૂલ સાથે પ્રપોઝ કર્યું:
તેજસ્વીને આ અંદાજમાં જોતાં જ કરન એકદમ ખુશ થઈ જાય છે અને તે સ્ટેજ પર આવે છે. બંને ડાન્સ કરતાં હોય છે અને પછી અચાનક જ તેજસ્વી ગુલાબના ફૂલ સાથે ઘૂંટણ પર બેસીને કરનને પ્રપોઝ કરે છે. ત્યારબાદ કરન લેડીલવ તેજસ્વીને કિસ કરે છે.
કરને પ્રેમિકાના વખાણ કર્યાં:
કરને શોમાં કહ્યું હતું, ‘જ્યારથી તેજસ્વી મારા જીવનમાં આવી છે, ત્યારથી મારું જીવન બદલાઈ ગયું છે. અમે બંને એકબીજાના પૂરક છીએ.’
‘બિગ બોસ‘ના ઘરમાં પ્રેમ થયો:
તેજસ્વી પ્રકાશ તથા કરન કુંદ્રા ‘બિગ બોસ 15’ના ઘરમાં એકબીજાને મળ્યા હતા. તેજસ્વી આ શોની વિનર બની હતી. ઘરમાં જ કરન તથા તેજસ્વીએ એકબીજાના પ્રેમનો સ્વીકાર કર્યો હતો. બંને લગ્ન પણ કરવાના હોવાની ચર્ચા છે. કરન પોતાની પ્રેમિકા તેજસ્વી અંગે ઘણો જ પ્રોટેક્ટિવ છે.