રાત્રે 8 થી સવારના 6 સુધી કરફ્યુ
- કોર કમિટીની બેઠક બાદ મુખ્યમંત્રીશ્રી વિજય રૂપાણીએ રાજ્યની આઠ મહાનગરપાલિકામાં કરફ્યુ જાહેર કરેલ છે.
- સુરેન્દ્રનગરમાં 7 એપ્રિલ બુધવાર રાતના 8 વાગ્યાથી સવારના 6 વાગ્યા સુધી કરફ્યુ જાહેર કરેલ છે.
- સંચારબંધી 30 એપ્રિલ સુધી લાગુ રહેશે.
ગુજરાત હાઇકોર્ટ કોરોનાની સ્થિતિને લઇને રાજ્યમાં સંક્રમણની ચેઇન તોડવા માટે 3-4 દિવસ કરફ્યુ કે લોકડાઉનનું સરકારને સૂચન કરતાં કોર કમિટીની બેઠક બાદ મુખ્યમંત્રીશ્રી વિજય રૂપાણીએ રાજ્યની આઠ મહાનગરપાલિકા અમદાવાદ, વડોદરા, સુરત, રાજકોટ, ગાંધીનગર, જૂનાગઢ, જામનગર, ભાવનગર સહિત આણંદ, નડિયાદ, મહેસાણા, મોરબી, પાટણ, ગોધરા, દાહોદ, ભુજ, ગાંધીધામ, ભરૂચ, અમરેલી અને સુરેન્દ્રનગરમાં 7 એપ્રિલ બુધવાર રાતના 8 વાગ્યાથી સવારના 6 વાગ્યા સુધી કરફ્યુ જાહેર કરેલ છે. આ સંચારબંધી 30 એપ્રિલ સુધી લાગુ રહેશે.
કોરોનાના વકરતા સંક્રમણને ધ્યાને લઇ રાજ્યમાં 30મી એપ્રિલ સુધી તમામ રાજકીય અને સામાજિક મેળાવડા ઉપર તાત્કાલિક અસરથી પ્રતિબંધ લાદવામાં આવ્યો છે. પચાસથી વધુ સંખ્યામાં ભેગા થવા ઉપર રોક લગાવી છે લગ્ન સમારંભોમાં અત્યાર સુધી 200 માણસો માટે છૂટ હતી, પરંતુ હાઇકોર્ટની સૂચનાને પગલે આમાં પણ 50 ટકા કાપ મૂકી એટલે કે 100 માણસની છૂટ મળશે. એપ્રિલમાં તમામ સરકારી કચેરીઓ શનિ-રવિ બંધ રહેશે. ઉપરાંત સરકારી કચેરીઓમાં પ્રવેશ ઉપર પણ આંશિક પ્રતિબંધ લાદી દેવાયો છે.
