Beti Bachao Beti Padhao – આંતરરાષ્ટ્રીય મહિલા દિવસની ઉજવણી અંતર્ગત બેટી બચાવો બેટી પઢાઓ સેલ દ્વારા વિવિધ ક્ષેત્રે સિદ્ધિઓ મેળવેલ કિશોરીઓનું સન્માન કરાયુ
-
બેટી બચાવો બેટી પઢાઓ સેલ દ્વારા વિવિધ ક્ષેત્રે સિદ્ધિઓ મેળવેલ કિશોરીઓનું સન્માન કરાયુ
મહિલા અને બાળ અધિકારીની કચેરીનાં બેટી બચાવો બેટી પઢાઓ સેલ દ્વારા કેશુભાઈ હોલ, સુરેન્દ્રનગર ખાતે વિવિધ ક્ષેત્રે સન્માન મેળવેલ કિશોરીઓના સન્માન કાર્યક્રમનું આયોજન કરવામાં આવ્યું હતું.
આ કાર્યક્રમમાં કિશોરીઓને ધર્મિષ્ઠા બેન દ્વારા સી ટીમની કામગીરી તેમજ સ્વ બચાવની પ્રયુકિતઓ વિશે વિસ્તૃત માહિતી આપવામાં આવી હતી. શ્રી નિમીશાબેન દ્વારા ગુડ ટચ બેડ ટચ, પોકસો એકટની માહિતી અને શ્રી પાર્વતીબેન દ્વારા પુર્ણા યોજના વિશે જાણકારી આપવામાં આવી હતી.આ ઉપરાંત ફિલ્ડ ઓફીસરશ્રી ભરતભાઇ ડાભી દ્વારા મહિલા બાળ અધિકારીની કચેરીમાં ચાલતી યોજનાની વિસ્તૃત સમજૂતી આપવામાં આવી હતી. વિવિધ ક્ષેત્રે સિદ્ધિઓ પ્રાપ્ત કરેલ કિશોરીઓને ઉપસ્થિત મહાનુભાવોના વરદ હસ્તે સન્માનિત કરવામાં આવી હતી.
આ કાર્યક્રમમાં દહેજ પ્રતિબંધક અધિકારી સહ રક્ષણ અધિકારીશ્રી સહિત કિશોરીઓ મોટી સંખ્યામાં ઉપસ્થિત રહ્યા હતા.
માહિતી બ્યુરો, સુરેન્દ્રનગર:
અરૂણા ડાવરા
